"Koon butu mai bua,bua adanek pi tanah Sulawesi. koon bayon mai dayon, dayon sampe pi lewo kota Minahasa,doana lusi gilen tegeleme,lelana wekak alan diketio,susah pulo lodopahan, taga lema gere teka ti soron leik lodo pana, koda pulo kirin lema peten go gelupak hala, gute kaan papan pena bili buku,kaan sari kirin kasak seba koda matik, tun tuen wulan natan balik kaan soga lewo naran ikit tana maken"
Lewo Tanah Raga Gerihan Anam kame.....

Ama rera wulan, Ina tana ekan. molo gon molo,menu molo. kame mekan purekem menu purekem
Gon ihiken, menu pereten .., kame mekan aren, menu etiken....

Ama rera wulan, ama bo bele, bo belolo hiku ekan, ama mo sareko hiku ekan....,mo soron kame adi ara adi ara, leta maan dike dike nein kame melan noon snaren,
ti lodo ola lali duli, ti ola ehin nabe ara. gere here teti pali..., ti he're nabe wa'in.
mete maan gelekat lewo, gewayan tana. hipuka maan onga plewan ama rera wulan ina tana ekan.
onga plewan sampe maan nuan tutu....  

 

 

lewo tadon adonara, lewo ata isiken selaka. tana nara nuan nebon tana ata lapiten belaon. liko lapak anam kame wahan kao....ti kame pana ake nen todok . jaga grihan bahim kame ti gawe ake nen walet...moonem mete pana....Lewo molo kame dore